Psalms 150
Leemi Asu Ri Leeme Silok
1Leemi asu ri Leeme Silok!Mina emi asu mi Leeme Silok to xeneng at loogu laplavang teren! Mina emi asu mi lolos teren toxun pana at laxalibet! 2Mina emi asu min mumu levempanga lolos neni gara lok pam i. Mina emi asu mi lempanga silok doxodok teren (atla neni ne Lenaravolo).
3Mina emi asu min mi lara tu. Mina emi asu min mi leven gita la leven taaleng. 4Mina tii la minak sak gaamit ti emi asu min. Mina emi asu min mi lempat gita la leveng kaatu. 5Mina emi asu min mi lasaksak lempat tingtigon aen. Minak sak silok lempat tingtigon aen ti emi asu min. 6Levempanga rooro axap, mina emi asu min.
Leemi asu ri Leeme Silok!
New Testament
Copyright information for
MMX